تخصص فی الفقہ والإفتاء

ای معھد آن لائن تخصص فی الافتاء کا مختصر تعارف:

آج کا مسلمان فکری انتشار، دینی کمزوری اور معاشرتی بے راہ روی جیسے سنگین مسائل کا شکار ہے۔ شریعت سے ناآشنائی اور دین سے دوری نے امت کو زوال کے دہانے پر لا کھڑا کیا ہے۔ ایسے نازک حالات میں ضروری ہو گیا ہے کہ امت کو فقہی شعور دیا جائے اور دینی معاملات میں واضح اور مستند رہنمائی فراہم کی جائے۔ انہی تقاضوں کو محسوس کرتے ہوئے ای معھدآن لائن تخصص فی الافتاء کا آغاز کیا گیا، جو جید، متبحر اور تجربہ کار مفتیانِ کرام کی زیر نگرانی چلنے والا ایک مستند اور قابل اعتماد ادارہ ہے۔

ای معھد اللّٰہ پاک کے فضل سے، دینی خدمت کا ایک ایسا چراغ ہے جو دورِ حاضر کی تاریکیوں میں امت کے لیے روشنی کا ذریعہ بن رہا ہے۔ یہ ادارہ نہ صرف روایتی دینی مزاج کا امین ہے بلکہ جدید تقاضوں سے ہم آہنگ بھی ہے، جس کے ذریعے پوری دنیا کے طلبہ گھر بیٹھے مستند علماء سے علمی و فقہی استفادہ کر رہے ہیں۔

تخصص کے تمام اسباق آن لائن فراہم کیے جاتے ہیں، جنہیں طالبِ علم اپنی سہولت کے مطابق دن یا رات کسی بھی وقت سن سکتا ہے۔ ہر سبق کی مہلت چوبیس (24) گھنٹے ہوتی ہے، اور اس مقررہ وقت کے بعد اگلا لیکچر جاری کر دیا جاتا ہے۔ اس لیے ضروری ہے کہ طلبہ ہر لیکچر کو وقت کے اندر مکمل کریں تاکہ تسلسل برقرار رہے اور علمی فائدہ بھرپور ہو۔

تخصص فی الافتاء کی منفرد خصوصیات:

1. ملک کے ممتاز اور معتمد مفتیانِ کرام کی نگرانی میں تخصص کی اعلیٰ سطحی تربیت کا شاندار انتظام۔
2. بیک وقت مستند اہلِ علم سے براہِ راست علمی استفادہ کا نادر موقع۔
3. گھر بیٹھے، اپنی سہولت کے مطابق دن و رات کسی بھی وقت اسباق سننے اور سیکھنے کی سہولت۔
4. جدید ذرائع، مؤثر اسلوب اور تحقیقی مواد سے بھرپور علمی ماحول۔
5. سمسٹر سسٹم کی بنیاد پر تدریسی نظام، جو نظم و ضبط اور تسلسل کو یقینی بناتا ہے۔
6. عربی و اردو دونوں زبانوں میں مصادر و مراجع کی تخریج و تحقیق کی عملی مشق اور رہنمائی۔
7. فہمِ فلکیات، رویتِ ہلال، نمازوں کے اوقات اور قبلہ شناسی جیسے اہم موضوعات پر ماہرین کے خصوصی اور معلوماتی محاضرات۔
8. اسلامی بینکاری، مالیاتی نظام اور جدید معیشت جیسے عصری موضوعات پر بصیرت افروز لیکچرز۔
9. ہر لیکچر کو 24 گھنٹے کے اندر سننے کی سہولت، تاکہ طلبہ اپنی مصروفیات کے مطابق بہتر انداز میں تعلیمی سلسلہ جاری رکھ سکیں۔

شرائط داخلہ:

1. کسی مستند ادارے سے درس نظام مکمل کیا ہو۔
2. امیدوار کا درجہ عالمیہ میں “ممتاز” یا کم از کم “جید جدًا” ہونا لازمی ہے۔
3. انٹری ٹیسٹ میں امیدوار کے نمبروں کا کم از کم 70 فیصد حاصل ہونا ضروری ہے۔
4. امیدوار کو عربی عبارت پڑھنے اور سمجھنے کی عمدہ استعداد رکھنی چاہیے۔
5. داخلہ کے لیے تین عدد تصاویر، اپنے شناختی کارڈ کی کاپی اور اپنی تمام اسناد کی ایک ایک کاپی درکار ہوگی۔
6. ر جسٹریشن فارم فل کرنے کے بعد رجسٹریشن فیس جمع کروا کر چالان فارم کی کاپی ادارے کے  takhasus@emahad.org e-mail پر ارسال کرنا ضروری ہے۔

تخصص فی الافتاء میں رجسٹریشن کا طریقہ کار:

1. داخلہ کے لیے رجسٹریشن ضروری ہے۔
2. رجسٹریشن کے لیے ویب سائٹ پر رجسٹریشن فارم فل کریں۔
3. رجسٹریشن صرف  وہ  طلبا ء کریں جو داخلے کی شرائط پر پورے اترتے ہوں۔
4. رجسٹریشن فارم فل کرنے کے بعد رجسٹریشن فیس ( 50 $) ادارہ کے اکاؤنٹ میں جمع کروانی ہوگی۔ یہ فیس non refundable ہے
5. فارم فل کرنےاور فیس ادا کرنے کے بعد آپ اپنے documents (شناختی کارڈ کی کاپی اور اپنی تمام اسناد ) ادارے کے takhasus@emahad.org e-mail پر ارسال کریں ۔
6. Document verification کے بعد ادارے کے طرف سے مقرر کردہ تاریخ کے مطابق طلباء کرام کا جائزہ / ٹیسٹ (شفوی و تحریری) لیا جائے گا۔
7. ٹیسٹ میں شرکت کا اہل صرف وہی طالب علم ہوگا جس نے رجسٹریشن کی فیس جمع کروادی ہو۔
8. تقریب جائزہ / ٹیسٹ کی تفصیل طلباء کو e-mail پر ارسال کی جائے گی ۔
9. امتحان میں کامیاب طلباء کو ہی ادارے میں داخلہ کا اہل سمجھا جائے گا۔
10. رجسٹریشن مکمل ہوجانے پر ادارہ کی طرف سے سٹوڈنٹ ID جاری کیا جائے گا۔

تخصص فی الافتاء کی فیس:

نوٹ۔

• رجسٹریشن فیس non refundable ہے۔
• ای معھد کے فضلاء کے لیے سمسٹر 1 کی فیس 50$ہے۔
• سمسٹر کی فیس سمسٹر کے شروع ہونے سے پہلے جمع کروانا لازم ہے۔

تخصص فی الافتاء میں فیس جمع کرانے کیلیے اکاونٹ :

فیس جمع کروانے کی تفصیل جاننے کےلیے takhasus@emahad.org پر emailکریں

نصاب تخصص فی الفقہ والإفتاء

1. میراث (سراجی)
2. اصول افتاء (شرح عقود رسم المفتی… اور مقدمہ شامی)
3. آداب افتاء (آداب فتوی نویسی)
4. اقتصادیات (اسلام اور جدید معیشت و تجارت)
5. اصول املاء و قواعد انشاء (الإملاء والترقیم… اور اردو تحریر کے آداب)
6. قواعد الفقہ
7. اسلامی قانون خرید و فروخت
8. فلکیات
9. اسلامی بینکاری
10. مقالہ نگاری

مطالعہ کا پروگرام برائے تخصص فی الفقہ والإفتاء ای معھد

• کل 2 سمسٹرز
• 10 فتاواجات
• 100 فتاواجات

• سمسٹر 1 (مڈ ٹرم امتحان تک):
• کتاب: رد المحتار

موضوعات: کتاب الأضحيہ + کتاب الحج + نکاح + طلاق

• فتاوی محمودیہ

موضوعات: کتاب الأضحيہ + کتاب الحج + نکاح + طلاق

• سمسٹر 2 (مڈ ٹرم سے اختتام تک):
• کتاب: رد المحتار

موضوع: بیوع – برائے بنین

• کتاب: رد المحتار

موضوعات: حیض، نفاس، استحاضہ برائے بنات

• فتاوی محمودیہ

موضوع: بیوع – برائے بنین

• کتاب: فتاوی محمودیہ

موضوعات: حیض، نفاس، استحاضہ برائے بنات